|
Rachel Ní
Chuinn comments on two shows at the Douglas Hyde Gallery, Dublin.
Landscapes
le Michael Craig-Martin sa DHg (19/10 - 23/11/2001)
Ealaíontóir
Éireannach is ea Craig-Martin ach is é seo an chéad
taispeántais aige in Éirinn le tamaill fada.
Aithnítear obair an ealaíontóra seo óna
dathanna gealla agus na línte glana. Tógann
sé gnáth rudaí agus léiríonn
sé iad i mbealaí neamh-ghnáthach. Glaotar landscapes ar an insealbhú seo mar tá béim
láidir curtha ar thimpeallacht an duine. Tá
gach rud a bhaineann lenár dtimpeallacht ina landscape dar leis. Nuair a siúiltear isteach san ghaileairí
i dtosach, buailtear na súile le glas lonnrach agus bándearg
dayglo ach tá an radharc tarraingte láithreach ag
bolgáin solais ollmhór in aice na fuinneoige.
Taobh leis tá píce ag dreapadóireacht tríd
na húrláir ós comhair an ghairdín
taobh amuigh. Ar an bpríomh balla tá gaothrán
grafach álainn agus cloistear an hum ciúin ón
bhfíseán atá ag taispeáint físe
a ghabh an t-ealaíontóir fadó in iarthar
na hÉireann.
Cé
go bhfuil na dathanna thar a bheith neon tá suaimhneas
le fáil ó na línte simplí dubha a
imlíníonn na líníochtaí móra.
Tá fíor-úsáid bainte as an spás
agus casann sé an gaileairí isteach in ionad dídine
a oibríonn go cumasach mar éalú ó
na sráideanna gnóthach taobh amuigh. Dar liom
gur éirigh leis landscapea chruthú a thugann
comórtas don sean íomhá d'Éire chiúin.
|
|
This
image from Kazuo Katase's DHg show is held at this
location.
|
Kazuo Katase
Ewige Wiederkunft (Eternal Return)
Sa dara gailearaí
tá sé socraithe ag an DHg sraith taispeántas
beaga a chur i láthair ar an ábhar Paradise.
Kazuo Katase atá ann faoi láthair. Séard
atá ann ná leathdoras le fuinneog fhada chaol
ag breathnú isteach ar sheomra bán. Ina lár
tá dronuilleog de slatanna bána timpeallaithe ag
bróga dubha fear. Ar an mballa ar chúl tá
pictiúir de bhabhla dubhghorm le solas aoibheann ag teacht
ón bpéint lonnrach.
Filleadh Síoraí
mar theideal air, cuireann sé in úil an scíth
simplí a bhaineann le teacht abhaile agus na bróga
a bhaint i ndiaidh an lae fada. Is dócha go bhfuil
an babhla ag déanamh tagairt do níocháin
na gcosa tuirseacha agus an faoiseamh a ghabhann leis an gníomh.
Faoin ábhar Parthais gníomhaíonn an píosa
mar cheacht a thugann comhairle dúinn taitneamh a bhaint
as an gnáth saol.
insealbhú
: installation; bolgán : bulb; píce : pitchfork;
gaothrán : fan; ionad dídine : refuge, sanctuary;
dronuilleog : rectangle; faoiseamh - relief
Rachel Ní
Chuinn
Back
to top of page
|
