Commercial art: art?

Anton Corbijn, Guinness agus ealaín tráchtála

Tháinig Anton Corbijn an grianghrafadóir ceoil chun cinn le clúdaigh Depeche Mode sna hochtóidí agus ó shin tá ainm cáiliúil bainte amach aige mar an phríomh grianghrafadóir in a chuid raon. Le déanaí tá clúdach albam nua Tricky Blowback déanta aige agus is fios gur ealaíontóir é mar ní raibh fadhb conspóidigh ar bith leis an gcíoch nocht ar barr an cheirnín. Cé go bhfuil sár-obair á dhéanamh ag ealaíontóirí cosúil le Corbijn i mbealach a réitíonn leis an margadh, tá mothú ann nach fíor ealaíontóirí iad. An bhfuil aon fhírinne leis an dearcadh sin nó an ceart dúinn glacadh le híomhánna cumhachtacha cibé an foinse a mhaoinigh iad?

Clúdach albam nua Tricky Blowback; grianghraf le Anton Corbijn

Ar bhealach táimse cathaithe ag na dathanna saibhre agus na hárd luachanna tairgidh a mheallann an súil i bhfógraíocht ach an bhfuil sé féaráilte gnáth ealaíontóirí atá ag déanamh oibre le codán an airgid a chur faoin mionscrúdú céanna? Is cinnte go deir scata daoine má tá an dán agat gur cheart obair a dhéanamh taobh istigh den mhargadh mar ní gá a bheith bocht le healaín a chruthú. Agus is fíor sin, ní chreidim an sean coincheap sin nach féidir leat a bheith cruthaíoch gan fulaingt, ach nuair a oibríonn ealaíontóir taobh istigh den teach gnó, ní féidir coinníollacha áirithe a sheachaint. Go bunúsach tá na híomhánna á úsáid le airgead a thuilleadh is cuma céard atá ar intinn an ealaíontóra.

Is breá liom an feachtas fógraíochta atá ag Guinness faoi láthair leis an gceol clasaiceach cumhachtach agus na híomhánna oíchiúil a feictear gach deireadh seachtaine i ndiaidh an chluib ach níl mise soineanta go leor le creidiúint nach bhfuil fógraitheoir fíor-éirimiúil taobh thiar de ag láimhseáil ár bhfrithghníomhaithe mar a bhéimís faoi bhois an chait. Faraor mothaím go bhfuil an oiread sin daoine ag caitheamh anuas orthu go bhfuil seans beag bídeach ann nach fógraíocht amháin atá i gceist (agus ar aon nós ní ólaim Guinness riamh agus taitníonn na fógraí go mór liom). Go bhfios dom s'é éifeacht an fheachtais ná an dallach dubh a chur ar a chuid lucht-féachana agus ní dóigh liom go bhfuil dul sa mhuilleann mar ceann de na príomh ceachtanna fógraíochta a fhoghlaimíonn margaitheoirí ag an gcoláiste.

Tuigim cinnte go bhfuil níos mó ná bealach amháin le cat a fheannadh (gabh leithscéal as an mbéarlachas). Measaim féin go bhfuil an umhir céanna módhanna ealaín a chleactadh is a bhfuil ealaíontóirí agus tá bóthar an mhargaidh féiliúineach do chuid acu agus níl sé oiriúineach ar bith do chuid eile. Agus é sin ráite dar liom go bhfuil cleachtaitheoirí ealaín tráchtála chomh dílis agus dlisteanach sa cheard agus atá ealaíontóirí a thaispeánann i ngailearaí agus bailliúcháin priobháideach amháin. An t-aon difríocht atá ann ná go bhfuil grúpa amháin lasmuigh den chóras agus doshroichte ag an mórlucht agus tá an grúpa eile taobh istigh den chóras agus soshroicthe, ach is cinnte go bhfuil na millte suíomh ar an imeall lán de mheascán ealaíontóirí ildánacha eile.

Gluais: conspóid - controversy, cíoch - breast, feachtas fógraíochta - advertising campaign, dul sa mhuilleann - to baffle, feannadh - to skin, dlisteanach - valid

Back to top of page